چمنده بول بولوله. اعتباریمیز واردی

گول ائوزلودلبریمیز.خوش نگاریمیز واردی

صبا اسنده گولون عطری مست ایدردی بیزی

وصال یاره دل بی قراریمیز واردی

چیخاندا سیره گوزل آهولار چمن دولوسو

بیز یمده شوقلا هر گون شکاریمیز واردی

بساط می قورولار کن ترانه باشلاردوخ

چمنده جنته تای روزگاریمیز واردی

آلاردی نازیله آغوشه ائوز گولون بول بول

سمای عشقیده آی تک مداریمیز واردی

گوز ایشله دیکجه یاشیل فرشیدیر دوشن میش دیر

نگاریمیز.می میز. الده تاریمیز واردی

منای عشقه چکوب شرم پرده سین غنچه

کی عشقی مست ایلین نوبهاریمیز واردی

شماتت ایلمه {ثالث}سولان گلستانه

بیزیمده گو للو چیکلی دیاریمیز واردی