گتمه ترسا بالاسی منده سنه سایه گلیم دامنیندن یاپوشوپ منده کلیسایه گلیم
یا سن اسلامی قبول ایله منیم دینیمه گل یادا تعلیم ایله من مذهـب عیسایه گلیم
گل چیخاخ طور تجلایه سن ال جلوه طور منده موسا کیمی او طور تجلایه گلیم
آنا بطنینده سنیله اکیز اولسیدیم اگر ایستمزدیم دوغولوب منده بو دنیایه گلیم
سن بو قامتله گوزل باغا چیخان بیر سرو اول منده عزیله هم او باغا تماشایه گلیم
ناز و غمزه، یرشین حالیمی بیحال ایلدی جرأتیم اولمادی کی باشقـا تمنایه گلیم
یوخ صنم! آنلامادیم سهویمی اقرار ادیرم بوراخیپ دینیمی من دین مسیحایه گلیم
سن منیم دینیمه گل عز و وفا توره منه منده اوز عهدیمیله نالـه سودایه گلیم
سن گدیپ حاجی کیمی عشق بساطینده یاتیپ پیر میخانه ایله منده او مأوایه گلیم
عضو شوید
عضویت سریع
آمار مطالب
آمار بازدید
